الخرطوم :تارا نيوز
بعث احد السودانين العالقين بالمملكة العربية السعودية برسالة على بريد “تارا نيوز” يطلب من السودانيين بالنظر إلى أوضاع العالقين بالخارج ومايعانونه من اوضاع سيئة، وجاء نص الرسالة

السلام عليكم ورحمة الله تعالي وبركاتة
نحنا الان عالقين في المملكة العربية السعوديه واقسم بالله انا من جيت من السودان لحدي الان م اشتغلتا جيت من السودان بتاريخ ١٧/٢/٢٠٢٠ ولي تاريخ اليوم٢٠/٤/٢٠٢٠ م اشتغلتا قاعد في الحجر الصحي في المنزل تمااام عمري ٢٧سنة متزوج وعندي اربعه اطفال تمااام واسي عالقين في السعودية
بالله الحكومة السودانية دي لوعندها زره بتاعة انسانية م حرام البتعملو فينا دا
يعني انحنا كا سودانين م يحق لينا الرجعة لي ارضي وطنا صاح م يحق لينا الرجوع الي اهلنا واطفالنا واخواننا صاح انحنا اتكفلنا بي مصاريف سفرنا وبي مصاريف حجرنا الصحي لمدة ١٤يوم تكون علي حسابنا الشخصي ما يقولو انحنا م عندنا مكان للحجر دا ما عزر ياخي بنأجر شقق بعدين انحنا هنا عملينا لينا حجر صحي لمدة ٢٤ساعة يعني الحمدلله ولله الحمد ماعندنا اي كورنا بعدين بي انحنا لو في مرض زي دا لا سمح الله كيف يمكننا ان نتسبب في وفاة اهلنا واطفلنا والان انا انا اطلب منك نشر هذه الماسي في الصحيفة بعدين في تعليقات السودانين المتواجدين في السودان يقولو في التعاليق انحنا كفاية الناس الجابت لينا كورنا من الامارات ياخي دا وباء وحاصل في كل دول العالم يعني ما في السودان براهو ويقولو ليك مادايرن اي زول من برة. ياخ انحنا سودانين اذا انتم لاتتقبلونا منو تاني حيتقبلنا انحنا من الحكومة السودانيه مادايرين اي شئ سو فتح المطار وتجهيز فنادق لحجرنا وبعدين وزارة الصحة السعودية لن تتدخل اي مصاب المطار يعني السفر دا بكون بي واسطة وزارة الصحة السعودية وطاقم اطباء يقومون بفحصك قبل دخول المطار يعني لا قدر الله اذا كان في مصاب يتم عزله ارجو منك رفع شكاوينا للجهات المختصة لحل مشكلتنا هذه
كم دولة عملت الاجلاء لمواطنيها ليه م قالت كورنا السودان يغلق ابوابه في ابناءه ويقول لينا تاني م بستقبل رحلاة ليه كلمة لية دي موجه لي اي معارض يقدر يورينا ليه م من حقنا الرجوع يورونا
وين الشعب السوداني وين النخوة اين الرجال من هذه المواقف اين الشباب اين الثوار
السودان سوداننا ويحق لنا العودة وعمل اجلاء لكل سودانى خارج الوطن

المواطن علي عبدالله علي
جدة
المملكة العربية السعودية