الاتجاه الخامس

يستاهل الاولاد
وتستاهل الثورة
وتستاهل الشوارع
وتستحق المتاريس
ويسقط صلاح قوش
في ليلة واحده والكوفيد ١٩ تغزو شوارع امريكا وتوزيع لقاحها في كل ازقتها ودواوين عملها لاتتوقف
تعمل ليلا ونهارا
كان السودان أحد الملفات التي تدك حصون ترامب ومجموعته ومجموعته الباقية في كل مجالس ولجان الحكم والتشريع والعقوبات في كل نواحي الحكم في امريكا
كانت ثورة السودان حضورا قويا وكان اولاد المتاريس ورحيق الشهداء سببا رئيسيا في طلعنا من قائمة الشر والفتنة والقتل في العالم ، جبنا حصانة سيادية
حلينا مشكلة المتأخرات و التمويل التجسيري للـHIPC
وطبعا كنا سببا في سبهليلة ب محامي ضحايا 9-11
جابتلينا 700 مليون دولار.
وحندفع منها ٤ مليون لمكتب المحامي الشغال في عمارة المحامين في واشنطن الشغال معانا صاح في تدمير اي دعاوي ضد السودان في اي محكمه امريكيه بتحترم نفسها
وكما قالت أحد الصحف الأمريكية إن حكومة السودان السابقة كانت سببا في إصدار أحكام غيابيه على السودان بسبب إنها كانت تخدع المحامين ولاتدفع لهم كل هذه كانت امتيازات ثورة الاولاد وضجيج الشوارع
هزم الاولاد جبروت تجار حكومه وتجار عقوبات وسماسرة دولة مكونين شركات للاتجار في السلع الممنوعه علي السودان انه العام الثاني لثورة الاولاد ضرب ٤ عصافير بحجر واحد لاعادة هيبة الدولة