الكورونا .. الكارثة

للأسف الشديد لسة بنتعامل مع الكورونا بقمة الاستهتار وعدم الوعي ، وللأسف الشديد وصلنا مرحلة صعبة جدا من الخطر والارتفاع الكبير في معدل الإصابات والوفيات ، الكوادر الصحية العاملة في المستشفيات في خطر داهم ، عدد كبير منهم أصيب بالكورونا وتم عزلهم ،والمتطوعين الشغالين بأقصى طاقتهم عشان يعملو فرق برضو في خطر مستمر ، عدد من المستشفيات بتقفل بسبب نقص الكادر او امتلاء الأسرة والعنابر.
الكوادر الصحية بتقدم في تضحيات غير معقولة وبتعمل في ظروف كارثية ، ومؤلم جدا ومحبط للغاية بالنسبة ليها أنها تشوف مقابل دة استهتار بل وحتى اعتداء عليهم من بعض المواطنين ، لكن في نفس الوقت ياهو الواجب والمافي منه مفر .
الجنازات والبكيات شغالة ، والأعراس شغالة ، ولمات الشاي والقهوة مع ستات الشاي شغالة ، والناس حايمة ولا كأنه في حاجة ، والحقيقة أنه أي زول الليلة مفروض يعرف انه حركته وأفعاله المامسؤولة دي نتيجتها حرفيا موته
أو موت زول أو زولة بعرفم ممكن يكون ابوه ، امه ، جاره أو أي زول من اهله .
المرض ماعيب ، العيب هو الاستخفاف والاستهتار البنتعامل بيه معاه ، عيب نتيجته أرواح غالية بنفقدها كل يوم .
الوعي ياخوانا .. الوعي
نسأل الله انه يرفع الوباء
نسأله التخفيف ونسأله انه يلهمنا الوعي والمسؤولية